മാനവ-ചെയ്തികൾ

മാനവൻ ജാതിയുടെ പേരിൽ

സ്വന്തം വേരറുക്കുന്നു ..

മാനവൻ ജാതിയുടെ നിറ -

ഭേതങ്ങളിൽപ്പെട്ടുലയുന്നു..

മനസാന്തരപ്പെടുവാൻ

അവനുകഴിയുംമുൻപേ,

മാനവികതയുടെ വില-

യറിയുംമുൻപേ

മാരീചഹസ്തങ്ങൾ അവൻ്റെ

കണ്ഡo ഛേദിക്കുന്നു...

ഇതിൽ രാമനും, റഹീമും,

റാഫേലും ഒരുപോലെ

ഇവരുടെ നിണത്തിൻ്റെ

നിറവും,ശ്വാസഗതികളും,

മജ്ജയും,മാംസവും ഒരുപോലെ-

യെന്നവർ അറിയുന്നില്ല

അതോ അറിഞ്ഞിട്ടും

അറിയില്ലെന്നു നടിക്കുന്നതോ?

മതവൈരികൾക്കൊപ്പം

കൊടിനിറത്തിൻ്റെ പേരിൽ

മർത്യൻ തമ്മിലടിക്കുന്ന കാലം...

ഇതിൽ സ്നേഹത്തിനു സ്ഥാനമെവിടെ?

പണമെന്ന രണ്ടക്ഷരംകൊണ്ടെന്തും

നേടാമെന്ന ഭാവത്തിനിപ്പോഴും

മാറ്റമില്ലാത്തവസ്ഥ

എങ്കിലും നാടിൻ്റെ ചിന്താഗതി

മാറുന്നെന്നുചിലർ

സമർത്ഥിക്കുന്നു...

ആവൊ? എന്തായാലും മാനവ-

വിശപ്പിൻ്റെ കാഠിന്യം മാറില്ല ....

അവൻ ജീവിക്കുവോളം ......

Comments

തിരിനാളം

എണ്ണ നിറഞ്ഞു തുളുമ്പിയിരുന്ന ഒരു കാലം ഉണ്ടായിരുന്നു .... നിലവിളക്കിന്റെ ശോഭ എങ്ങും നിറഞ്ഞ ഒരു കാലം... മന്ദ മാരുതനിൽ തത്തിക്കളിക്കുന്ന ഒരു തിരിനാളം ... മനുഷ്യായുസിനെ അതിനോട് ഉപമിച്ചു നോക്കി ഞാൻ. ഇത് മനസിലാക്കിയിട്ടാണോ എന്തോ ? ക്ഷിപ്രം തീരുന്ന ആയുസിനുള്ളിൽ ഒരുപാടു കാര്യങ്ങൾ ചെയ്തു തീർക്കാനുള്ള നെട്ടോട്ടം ... നാം ചെയ്തു കൂട്ടുന്ന നന്മ തിന്മകൾ , നമ്മുടെ ജീവിതം എന്താവണമെന്നു തീരുമാനിക്കുന്നു , അതിനാൽ ഒരു തിരിനാളം കത്തിത്തീരുന്ന സമയത്തിനുള്ളിൽ നമുക്ക് ഒരുപാടു കാര്യങ്ങൾ ചെയ്തു തീർക്കാം ... എങ്ങനെയെന്നാൽ, തിരിനാളം പ്രകാശപൂരിതമാകുന്നതോടൊപ്പം മംഗളകർമത്തിനു തുടക്കവും കുറിക്കുന്നു..... നമ്മുടെ ചെയ്തികളും നമുക്കൊപ്പം മറ്റുള്ളവർക്കും ഉപകാരപ്രദമാകട്ടെ........

കാലം

സന്തോഷ സമയത്തു വസന്തവും സങ്കട സമയത്തു വേനലും സംഗമസമയത്തു ശിശിരവും ഇടയ്‌ക്കൊരു ദൈവ വിചാരവും ഇല്ലെങ്കിൽ ഒരു കഷ്ടകാലവും.............

മനുഷ്യൻ

ലോകത്തിൽ ഏറ്റവും ബുദ്ധിയുള്ളത് -മനുഷ്യൻ ലോകത്തിൽ ഏറ്റവുംകാശുള്ളത് - മനുഷ്യൻ ലോകത്തിൽ ഏറ്റവുംകഷ്ടതയുള്ളത് -മനുഷ്യൻ ലോകത്തിൽ ഏറ്റവുംഅത്യാഗ്രഹമുള്ളത് -മനുഷ്യൻ ലോകത്തിൽ ഏറ്റവും ദുഷ്ട ജീവി -മനുഷ്യൻ ലോകത്തിൽ ഏറ്റവുംസഹജീവിയെ വെറുക്കുന്നത് -മനുഷ്യൻ ലോകത്തിൽ ഏറ്റവും വിനാശകാരി - മനുഷ്യൻ ലോകത്തിൽ ഏറ്റവും അഭിനയമികവ് - മനുഷ്യൻ...

Pearls of Reflections

Search This Blog